Miðvikudaginn 1. maí kl. 11:00 verður fjölskylduhátíðin okkar í Ástjarnarkirkju. Hoppukastali, pylsur og djús, töframaður og kirkjukór og barnakór Grindavíkurkirkju koma fram. Allir velkomnir og við hvetjum Grindvíkinga á svæðið, það er kominn tími til að hittast!
24. desember, aðfangadag kl. 15:00 verður hátíðleg fjölskyldumessa í Garðakirkju á Álftanesi. Séra Elínborg þjónar fyrir altari, kirkjukór Grindavíkurkirkju leiðir jólasálmasöng ásamt Arneyju Ingibjörgu. Organisti er Kristján Hrannar. Fjölmennum með fjölskylduna og sjáumst í sannkölluðum jólaanda!
Nú gefst okkur tækifæri til að koma saman eins og áður, fyrsta sunnudag i aðventu. Við komum saman til að minnast og vitja þeirra sem eru ekki á meðal okkar. Þakka þeim bjargráðin sem þau kenndu okkur með lífi sínu og við þurfum á að halda um þessar mundir.
Kærleikskveðja, Elínborg
Næstkomandi sunnudag kl 20.00 er Allraheilagramessa. Látinna verður minnst og ljós tendruð til minningar um þau sem látist hafa undanfarin ár. Kór Grindavíkurkirkju leiðir söng undir stjórn Kristjáns Hrannars og Magdy Hernandez leikur á fiðlu. Sr. Elínborg Gísladóttir þjónar ásamt messuþjónum. Kaffi og meðlæti eftir messu. Allir hjartanlega velkomnir.
Við bjóðum alla velkomna, stóra og smáa, til að hittast, syngja saman, gleðjast og læra. Sjáumst!
